| ► | يناير 2012 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | |||
مدونون . من . اجل . التغيير
ندعوكم .. للانضمام .. للمجموعة
لنكون شركاء فى التغيير الذى نرتضيه
كن ايجابيا ………………..شارك فى التغيير
كلمة قلتها فى لحظة يأس فظيييييييعة تعرضت اليها مما اراه و اسمعه حولى بل و يحدث معى بعيينى
و مع انى مش بحب ابدا الكلمة دى قررت امسك نفسى و لن اقولها تانى ابدااااااااا
امال انا رجعتلها تانى ليه؟ دة السؤال اللى فى بالكم
انا عارفة ان كل انسان فى حياته فى مش لحظات هى اوقات كتير تتفاوت حسب الشخص يحس فيها انه مش عارف يتأقلم مع اللى حواليه ، مش عارف يعمل حاجة ، رغم انه ممكن يكون محقق كتير او على الاقل بدأ فى تحقيق ما يحلم به ، لكن برده مافيش حماس منحناه طالع على طول او حتى ثابت و مستقر دايما طالع نازل
مش عارفة يا ترى دى فطرة فى البنى ادم و لا هى عيب فى معظم البشر و لا الموضوع يختلف من شخص لاخر حسب ثقته بنفسه و قوته المعنوية حقيقى مش عارفة
بس اللى متأكدة منه ان الكلمة دى مافيش حد مش بيقولها سواء من اللى شايفه بيحصل من احوال فى البلد اللى مش راسية على بر دى او من مواقف بتحصل فى حياته الشخصية
طيب انا هاقولكم كام موقف شخصى حدث بالفعل و خلانى اقول الكلمة اللى مش عايزة اقولها تانى
معايا؟؟؟؟؟؟؟؟؟؟ تمااااا
زمان و انا صغيرة
كنت انا و اصحابى بنلعب العاب معينة على طول
كنا بنحب نلعب اخوات و بابا و ماما مسافرين و بنحاول نعمل اكل و يبوز
و كان فى حاجات دايما معانا فى شنطة اللعب بتاعتنا
يعنى مثلا ايشارب اسورة و خاتم و عقد ، اكسسوارات يعنى
و ساعات كنا بنستأذن امهاتنا و ناخد شوية اطباق و معالق بلاستيك او خشب و ممكن شوية رز او مكرونة
يعنى ،،،،،،،،، كانت هى دى الالعاب اللى بنحبها اوى و نفرح لما نتجمع و نلعب
اولا : انا بعتذر عن التأخير
اسفة لو حد دخل فى الفترة الطويلة اللى فاتت و مالاقاش جديد
بس بجد كنت مشغولة فى الامتحانات و وجع القلب
ثانيا: هاقدملكم قصيدة لواحد من اعظم الشعراء فى الوطن العربى
الشاعر الكبير/ بيرم التونسى
اللى انا شخصيا بحب شعره جداو بالذات الزجل
و خصوصا ان قصائده دايما بتبرز متشابهات العالم العربى
و الدليل على كدة ان بالرغم من انه تونسى الا ان كل قصايده بتمس الشعب المصرى و كأنه بيكتب اصلا عنه
مش هاطول عليكم
ااااااادى القصيدة اقروها و قولولى ايه رأيكم فى الفن الجميل و المعانى الواقعية
**** ياهـــــل المغنـــى****
يااهل المغنى دماغنا وجعنا
دقيقه سكوت لله
داحنا شبعنا كلام ماله معنى
ياليل وياعين ويااّه
ــــــــــــ
طلعت موضه غصون وبلابل
شابط فيها حزين
شاكى وباكى وقال موش عارف
يشكى ويبكى لمين
واللى جابت له الداء والكافيه
طرشه ماهش سامعاه
يااهل المغنى دماغنا وجعنا
دقيقه سكوت لله
ـــــــــــــــــــ
ردى عليه ياطيور بينادى
وارمى له الجناجين
وانت كمان يابور الــــوادى
قل له رايح على فين
قل له اياك يرتاح يابابـــــوره
ويريحنــــــــــا معــــــاه
ياهل المغنى دماغنا وجعنا
دقيقه سكــــــوت لله
ــــــــــــــــ
كل جدع فرحان بشبابه
يقول فى عنيه دمـــوع
ياللى جلبتى شقاه وعذابه
حلّى لنــــا الموضــــوع
طالع نازل يلقى عـــــوازل
واقفــــــــه بتستنــــــاه
ياهل المغنى دماغنا وجعنا
دقيقه سكوت لله
ـــــــــــــ
لا احد يختلف معى فى حب مصر و الرغبة فى اعطاءها اغلى مانملك و الخوف عليها و تمنى القضاء على كل مفسد فيها
كل مختلس و لو قرشا من اموال مصر الضائعة كل مرتشى ولو كان مرتبه قليل كل خائن و لو كانت ظروفه قاسية كل ظالم و لو مضطر كل سارق و لو شبر من ارض مصر
كلنا هدفنا واحد و هو تنمية مصر و اعلاء شأن المصريين
من اجل هذا كله
انشأنا مجموعة ( مدونون من اجل التغيير )
من نحن ؟
مجموعة من شباب مصر و اهلها و محبينها
كيف تجمعنا ؟
من خلال مدونات مكتوب كل لديه مدونة تهدف للخير ، فوجدنا انفسنا مجموعة بالفعل متوحدة على اهداف واحدة و اخلاق واحدة و لكن متفرقين
فعزمنا على توحيد الجهود و تجميعها فى اعمال تكون اقوى ساعدا و اعلى صوتا ، فالقلم الواحد ضعيف يسهل كسره و لكن عندما نضم اقلامنا جميعا يصعب كسر ها
هدفنا؟
الهدف واضح فبالتأكيد هو تنمية وعى الشعب المصرى
المدونات تزداد يوما بعد يوم و المدونون الان اصبحوا من مختلف الفئات
نعم هناك من الفئات البسيطة المهمشة من لم و لن نصل اليهم و لكن حسبنا الان نبدأ بالموجودين بالفعل على ارض التدوين و هم ليسوا بالقليل ، و قد نصل الى هؤلاء المهمشين بعد ذلك فى مرحلة قادمة ان شاء الله عندما ننزل على الارض و يكون نشاطنا على مرئى و مسمع من الجميع
هدفنا هو رفع وعى الشعب المصرى
هو محاولة العودة للاخلاق الحميدة
بما ان الخيال يدل على شخصية الانسان
فاطلق خيالك الان و لو لدقيقة واحدة
تخيل انك اصبحت رئيسا لجمهورية مصر العربية
بس تخيل ……مين عارف
لاحظ جيدا ماذا سيأتى ببالك فى اللحظة الاولى
متخيل نفسك؟
ايه المشهد الذى قفز بذهنك ؟طب مين اللى معك؟ و لا لوحدك؟ طبعا يا عم مانتا الزعيم
فى تصريح للدكتور احمد نظيف مؤخرا قال :
الحقيقة انا بعتبر مصر بلد مبروكة
كل حاجة منحة الهية لكن بلا شك هناك جهد ساعد على الاتيان بها
الشعب مش حاسس بالتنمية لأن طموحه زاد
اللى ماكانش فى فى بيته كهرباء ماكانش بيحلم يشترى تلاجة لكن دلوقتى عايز و دة من حقه
البرنامج الرئاسى متوزع على 6 سنين مش هانقدر نخلصه فى اقل من سنتين
دخلت احدى المبانى فى الجامعة يطلق عليه مبنى الامتحانات و شعرت برائحة اشتعال شديدة فنزلت سريعا و تصورت ان المبنى اشتعل و تهدم …………….و انا بداخله و زميلتى معى
وكان ذلك الحوار على الجانب الاخر
الساعة 3.5 البيت هادىء ماما فى المطبخ ، بابا فاتح الرسومات و شغال،اخويا محمد فى الكلية ، جهاد نايمة
ماما:سمر اتأخرت
بابا:لأ عادى ماتأخرتش و لا حاجة
ماما:المحاضرة خالصة من الساعة 12 يعنى بقالها 3 ساعات و نص
بابا:تلاقيها قاعدة شوية مع اصحابها
ماما تقعد 3 ساعات ما تيجى تقعد هنا
بابا:سيبيها تخالط الناس وتتعلم و تاخد خبرة
ماما:هى مش هاتاخد الخبرة غير من القعدة فالكلية، لما تيجى قولها ماتبقاش تتأخر انا بقى مش ناقصى خضة و قلق
بابا:طيب لما تيجى هاقولها
الساعة 5 بابا و ماما زى ماهما محمد جه من الكلية و جهاد لسة نايمة
ماما:لا يا خالد سمر اتأخرت اوى انا قلقانة عليها
بابا:طب اتصلى بحد من اصحابها ياخدوا بعضهم و يروحوا ثم يرجع عمو لوحده عشان الاجراءا
ماما:طلعلى يا محمد نمرة منة صاحبتها انا اعصابى سايبة
ماما:الو منة انا مامة سمر
منة:اهلا يا طنط ازى حضرتك
ماما:الحمد لله يا حبيبتى امال سمر فين اتأخرت يعنى غريبة
هى مش بتبقى معاكى
منة:اه يا طنط بس انا سبتها النهاردة مع بسمة صاحبتنا و مشيت من بدرى
ماما: من بدرى و هما مامشيوش ليه
منة:اصلهم كانوا هايروحوا يصوروا ورق
ماما:طيب يا منة اتصليلى ببسمة و شوفيلى رجعت و لا لأ و ردى علية بسرعة
بعد 3 دقايق التليفون يرن تجرى ماما ترد ملهوفة
ماما:ايوة يا منة
سامح: ايوة يا طنط ازى حضرتك انا سامح صاحب محمد هو موجود؟
ماما:ايوة ثانية واحدة
تلتفت لمحمد و تديله السماعة و هى بتقوله:بسرعة اختك مش لاقينها و صاحبتها هاتتصل دلوقتى
عدت 5 دقايق ومحمد لسة بيتكلم
ماما:اخلص يا محمد انت مش قلقان على اختك
اوعى يكون فى جرس و انت مطنشه
محمد: قشطة يالا سلام
يلتفت لماما و يقول: يعنى اعمل ايه اقفل السكة فوشه وهو انا مجنون عشان اسيب البت ترن و اطنشها و انا شايفك قلقانة كدة
التليفون يرن تجرى ماما تانى
ماما:ايوة يا منة هاااااااااااا
منة:بسمة لسة مارجعتش يا طنط و موبايلها غير متاح
ماما:يا نهار ابيض طيب يا حبيبتى لو عرفتى انها رجعت ابقى عرفينى
منة: حاضر يا طنط طبعا طبعا
ماما:الحق يا خالد الاتنين مارجعوش لحد دلوقتى و كانوا مع بعض
التاج عبارة عن سؤال فى غاية الاهمية اهدته لى الزميلة العزيزة سارة لها كل تحياتى
السؤال: تكلم عن هواية لما بتمارسها بتنفصل عن الواقع اصناء ممارستها
الاجابة: _ بحب القراءة اوى و لما بمسك كتاب بنسى كل اللى حوالية لأنى باندمج مع الكتاب و بالذات الروايات
_اما الحاجة التانية هى تصفح الجرائد عالنت فأنا من هواة قراءة الجرائد و بالذات المصرى اليوم و اللى بحترمها و بعتبرها افضل جريدة مصرية، و احيانا الاسبوع من باب الفضول و ايضا الاهالى
_اما الهواية التالتة هى الدخول على المدونات و قر
رغم الاحداث السياسية العديدة و المتوالية ذات العيار الثقيل التى مرت بها مصر فى الاونة الاخيرة وزيادة الحديث عن السياسة إلا ان دائما ظلت و لا تزال هناك حالة من الكره الحاد للسياسة بين طوائف المجتمع المصرى هذا ما جعلنى اتساءل لماذا؟
اهو ذلك الموروث القديم من الشقاء السياسى و الذى جعل الشعب المصرى يستعيذ بالله عند ذكر السياسة من احتلال من مختلف الدول الاستعمارية و حملات اعتقالات شعواء تجتاح البلاد و تأخذ فى طريقها كل من تسول له نفسه الحديث فى السياسة و التى جعلت المصرى يردد دائما القول من خاف سلم
هل هو ذلك الفهم الخاطىء
